Mr.成員Alan﹑Dash及MJ，噚晚喺上環出席一個相展，而商台DJ朱薰老公都有嚟。

問三人鍾唔鍾意影相？佢哋最鍾意影相嘅Tom，因為要湊仔所以冇嚟，佢哋之前試過被校長譚詠麟影睡相，佢哋話等睇Tom有冇機會影返校長瞓覺樣。佢哋又話Tom同佢老婆都鍾意影相，兩人最近買咗一套新相機。

另外，Mr.表示三﹑四月左右，會推出廣東碟，亦係佢哋相隔年幾再出廣東專輯。而今年係主音Alan婚後，第一年派利是，問佢會派乜嘢顏色？佢話：「盡力啦﹗大家唔好咁現實，結婚唔一定同錢有關囉﹗」