有場戲講DaDa照顧杜汶澤個女,喺屋企打遊戲機嘅時候,竟然着住件貼身衫唔戴胸圍,凸點凸得好厲害,為藝術犧牲。之前有人睇過以為佢嘅凸點係做假,用假貼整㗎喎,不過導演彭浩翔就話既然要拍就梗係去到盡啦,部片都三級,仲有乜嘢唔可以喺螢幕出現喎。導演仲話拍嘅時候DaDa好緊張,所以最後清場拍,除咗必要工作人員之外,全部要out,所以DaDa演得好放。
今次DaDa喺戲入面唔單止係波大冇腦嘅模,佢仲會設計出一款幫人打手槍嘅遊戲,都咪話唔抵死。話時話今次佢嘅犧牲都算有回報,因為《低》片啱啱喺本年度嘅韓國富川國際奇幻電影節獲獎,仲攞埋個最佳亞洲電影大獎,導演彭浩翔同演員因為要繼續做宣傳,所以唔可以親身出席頒獎禮,但台前幕後已經好開心。