曾小燕喺1986年澳門小姐三料得主，1988年再報名參加亞姐獲得亞軍，當年選亞姐因為露毛事件搞到要「緝兇」，跟住佢喺娛樂圈發展咗一段時間、拍咗幾套三級片之後，突然息影去咗澳門，嫁人生仔，不過到咗囝囝Miko一歲嗰年就離婚，曾小燕為照顧囝囝，仲入埋賭場打工，做到o依家，已經係管理層。

息影多年嘅曾小燕，最近接受奇妙電視嘅訪問，講吓近況(新聞連結： http://bit.ly/2ycAL2Y )！

喺訪問嘅第二集，曾小燕話雖然喺賭場嘅工作發展得好好，不過好遺憾錯過阿仔嘅成長：「嗰陣嘅生活日夜顛倒，朝早收工就返去瞓，冇太多時間陪Miko，不過佢好乖同懂事，有時我未瞓著，聽到佢細細聲開門，望吓我之後，又細細聲閂返門！」佢仲話：「Miko好明白媽咪要搵錢養家，所以o依家環境好咗，我哋約定每年8月都去一次旅行，當係彌補返以前嘅不足！」

講到感情生活，曾小燕話佢都有試過拍拖，不過Miko會阻止：「佢細個唔鍾意我拍拖，覺得有人分薄咗媽咪，不過o依家佢大個咗，反而慫恿我去拍拖，可能嫌我煩喇，但係我自己唔強求再婚，隨緣喇！」