謝雪心今日到機場博覽館出席活動，講開李香琴被指有腦退化，以致健康欠佳，心姐就話：「我喺公司見到炳哥（譚炳文）了解情況，知道琴姐已經康服緊，老人家跌親，係會令人擔心啲。有時長者唔好急住聽電話，亦要小心地滑。」

另外，心姐話嚟緊會拍新劇，同王浩信合作，劇中飾演浩信媽媽，當中有場戲仲要打仔，心姐話：「拍之前真係要度準位，唔留力希望盡量一take過。」