今次（26日）快活谷夜賽，採用C加3欄轉C加6彎跑道，最窄場地，通常利放不利追，但季初跑道用得少，早兩日落過雨，可能又出現變數。

蔡約翰有較多馬匹上陣，熱過身狀態有進，應該可以贏馬開齋。楊明綸停賽，座騎實力甚強，亦有機會破悶局。

第三場四班1200米，「摯友無敵」前季尾在同程贏馬，當時評70分，配黃皓楠減磅出擊得手，上季跑了13仗，最叻跑第四無表現評分已調低，今季降落四班，形勢就截然不同。

8月開始做工夫，潘頓接手後，親試兩個大閘及三課快跳，高度重視。試閘能後上趕過「駿皇綵」，最近一次則按住輕鬆跟跑。

潘頓上季替文廐贏九場，是出擊主力，馬房剛在日戰（22日）開糊，此駒已準備就緒，一定乘勝追擊。

「四千金」操足，試閘拍跳均出色，狀態已到位，論馬落四班有利，用潘明輝減磅，唔會是求熱身，做好走位留放，交出強橫後勁，可挑戰任何對手。

「競駿時代」上季一出即勝，復課作相若部署，操練循序漸進，埋門試大閘，貼欄帶放末段按實跑第二，狀態已到位，雖然體重下跌，但跟贏馬水準只差兩磅，相信沒有影響，排3檔好跑，三甲應甚穩。

「陽明高高」上仗排1檔，貼欄慳位末段攝得好，追上贏馬，今次形勢已逆轉，然復課快跳更從容，成熟狀態均邁進，始終質新當起，馬房戰意鮮明，縱使難贏，入一席卻可做到。

「旋風腿」上從化兩個多月，返港即安排試閘，後追表現唔錯，但初跑快活谷要考驗，可兼顧作配。