逸東邨各座大廈各層原均設有垃圾房，內設垃圾槽，居民將垃圾放入垃圾槽後可直墮地下垃圾房，因垃圾房空間過大，易為歹徒藏匿，故要封閉。
嗅到陣陣臭味
居民投訴稱：「其實大家都唔想，但個個都無奈將啲垃圾放晒出嚟走廊，一打開𨋢門就聞到陣陣臭味。遲啲夏天嚟到，都唔敢想像個衞生情況會變成點。」
其中居民陳小姐稱，去年她舉家遷進逸東邨康逸樓一單位，已發現整幢大廈每層均設有垃圾房，但均上鎖及不開放使用，住戶惟有將垃圾放於門外走廊升降機側。她曾向房屋署查詢，職員答覆則指邨內各座大廈垃圾房設計有問題，故不能使用。
「咁大型嘅屋邨工程，有乜理由會出現設計問題，事前無規劃嘅咩？就算出咗問題，都應該諗辦法去重新修建，房署話唔會改，只會繼續將垃圾房空置。」陳小姐直斥房署浪費公帑，明知有問題卻不改正。
走廊堆放垃圾
記者跟進投訴及前往逸東邨查證，發現每層垃圾房門均上鎖，沒設收集垃圾箱，住戶均將垃圾放置在走廊公眾地方。
陳小姐向記者稱，雖然每天均有清潔工人到每層收集垃圾，惟時間不配合，尤其晚上八、九時晚飯時間後，居民陸續將飯餸菜汁等廢物用膠袋包裝放在走廊，次日才有人收集。
陳小姐又稱，「啲菜汁好多時都會流出嚟、好污糟；都唔明房署點解唔放啲大型有蓋垃圾桶喺度畀大家放垃圾，既然垃圾房唔可以用，房署就應該畀番相應嘅設施、佢哋真係好唔識變通！」