新民黨立法會議員葉劉淑儀今日出席電台節目時，被問到獲左派九龍社團聯會力撐的陳凱欣，一旦當選九龍西補選，或會加入新民黨，葉劉強烈否認此傳聞，甚至指對方若當選，她也不會招攬對方：「絕對冇咁嘅事！就算佢贏咗，我都唔會招攬佢，因為我唔會話坐享其成。」

但若陳凱欣主動想加入新民黨，她又會如何反應？葉劉則指：「慢慢至算。我睇唔到佢點解好想入嚟（新民黨）。」她認為，若陳凱欣當選，保持獨立身份也不錯。

葉劉淑儀承認，聽到有建制派斷言，陳凱欣一旦當選後，會加入新民黨，故建制派不想「益人」，不會替陳凱欣助選：「我聽到有咁嘅講法，我覺得好唔好。」

但她指，只要陳凱欣出聲，她和該黨常務副主席黎棟國也會替陳助選，但絕非因為議席：「我絕對唔係話爭取一個議席先去幫人，如果到時凱欣真係參選，叫我幫，我諗我同阿黎sir（黎棟國）都會幫，唔會話贏咗一定要入新民黨。」

雖然現時宣傳陳凱欣的橫額、廣告已遍佈九西各地，但葉太仍指，自己不知道陳凱欣是否會參加補選，節目主持人陳志雲明顯不滿葉劉的回應：「你（葉劉）真係耍我哋。」

立會補選新聞，《蘋果》一網睇晒：
http://bit.ly/appledaily1125