當年今日
關於我們

村姑大娛塘:成海璃子 奀變火柴人

蘋果日報 2015/02/02 00:00


催淚日劇《一公升眼淚》曾經感動唔少港人,喺劇中扮女主角澤尻英龍華妹妹嘅成海璃子,當年以十二歲嘅年紀已鬼咁好戲,不知討好幾多觀眾。
成海璃子轉吓眼已經廿二歲,話晒藝能界係大染缸,呢幾年大家睇住佢壞,上年俾狗仔隊拍到街頭煲煙,單睇扯煙舉動就知老手,搞到乖乖女形象一鋪清袋。
成海璃子都知自己唔可以再扮清純少女呃觀眾,最近為新劇《怪奇戀愛作戰》挑戰新戲路,戴上銀色假髮硬銷野性形象,不過見佢瘦到得棚骨,比起早幾年脹爆時簡直相差兩個碼,其實歷年日本童星都相繼行差踏錯,望就望佢唔好步安達祐實後塵踏上脫星之路啦!
撰文:李村姑
empty
【脹爆發福】成海璃子