部機6月喺香港開售,限量388部,外殼用Iron Man嘅紅金色為主,仲附送造型相配嘅無線充電板同專用透明保護殼。部機嘅功能同普通版Galaxy S6 edge無異,但限量版嘅儲存量只有64GB可選。講明限量版,售價當然唔普通,每部盛惠8,888元,貴過普通版大概千五蚊。
想買番部特別版都唔容易,首階段只畀Samsung ClubS特選客戶申請,名額100個,先到先得。到6月15號第二階段,就可以上網登記同抽籤。坊間對於部機就毀譽參半,有人講笑話拎住部金色版S6 edge下載個一模一樣嘅佈景主題,望落其實差唔多。聽講下一波會推出美國隊長,之後應該仲有雷神同變形俠醫版本。
費清
#要生計,也要生活 #毋忘初衷