今集Video Talk請來男子組合天堂鳥任嘉賓，分享一些拜山遇到的靈異經歷。成員Lincoln原來試過跟爺爺陰陽對話，就在他未正式成為天堂鳥成員之前，曾問過爺爺應否繼續在娛圈發展：「我帶咗本書仔，有得揭嘅。如果本書向左面吹，我就繼續留喺呢行。向右吹嘅話就離開。佢好快就答我，無啦啦向左吹，即係叫我留喺呢行做。」

成員Tyrese則分享一個朋友經歷。話說他有一位任職保險的朋友，天生對靈異事物特別敏感，有次幫一對母子化解多年恩怨，是趁其母入睡時，跟對方的潛意識對話。Tyrese說：「師傅同佢阿媽個意識傾完偈之後呢，佢阿媽對個仔嘅態度變晒。」潘紹聰也聽過一些傳聞，就是當年祥嫂曾與子女因爭產而鬧不和，後來有高人入了祥嫂的夢境做調解，最後化解了兩代恩怨。

至於隊長Gordon也有一個親身經歷，就是有晚半夜回家洗澡後上床睡覺，他的狗狗不停在他睡房門外吠，翌日父親更問他，是否帶了女仔回家。Gordon說：「我話老竇你唔好嚇我啦！」後來他們搬了新居，其父一入屋便嘔吐大作：「無啦啦無事無幹嘔，嘔一啲黑色嘅嘢出嚟，嘔完之後成個人鬆晒。」

此外，成員Lincoln又提到年輕時參加過一些行夜山的活動，更見過一些白色的影：「嗰時太細個唔會諗到係嗰味嘢。」潘紹聰問師傅如果行山時遇上山精妖魅，有甚麼方法破解？呂師傅說：「人嘅中間有一種毛係可以辟邪，叫人中草。啲農村人喺山度成日都撞到邪嘢，會搣啲人中草出嚟，夾落紙巾或者布度，攞嚟止血同破邪法。」是為以邪制邪之效。

《恐怖蘋台》已在果燃台上架，大家可以到果燃台重溫足本節目，亦可以致電／WhatsApp 93321941報料。