孫耀威同雨橋o係葵涌出席新城活動，雨橋猛拉住孫耀威合照，話老孫係佢童年偶像，細個睡房仲貼滿老孫海報，搞到老孫鬼咁尷尬。

何韻詩出櫃後，備受教徒指責有罪，虔誠基督徒孫耀威話，身邊有好多同志朋友，作為基督教徒，冇得判斷人哋嘅對錯，只有上帝先至有資格定奪，希望件事可以用愛去處理同解決。