轉戰政壇觸礁 核彈頭最尾要撈回本行
舒夫真高AC米蘭政治掛靴
似乎受卡拿迪斯感染,佢嘅A米前隊友舒夫真高亦都喺掛靴之後從政,但兩個人嘅仕途可以講係天與地,前者都話做過副總理,而後者試過選國會議員,可惜最終選唔中,最尾仲重返球壇。
幫A米贏過歐聯同意甲冠軍嘅舒夫真高喺2012年退役,之後就加入烏克蘭社會民主黨,參選2012年嘅國會選舉。可惜社會民主黨最終嘅得票率只係得1.58%,最終咩都攞唔到,當然舒夫真高都做唔到國會議員。
唔似得卡拿迪斯,核彈頭之後喺政壇都冇咩作為,去到2016年仲返去球壇,出任烏克蘭國家隊主教練。所以話政治唔係個個撈得掂,去翻熟悉嘅地方反而仲好!
--------------------
BFB CHAMPIONS 2.0 聖誕新年活動連環出擊,登入即送傳奇球星「林伯特」! http://bit.ly/2xrTKGM