馬季開鑼日旺華籍騎練，簡sir徒弟葉楚航及初試啼聲的丁冠豪均起孖。另一方面，剛戰一定要讚黃俊贏「銀城福星」，快轉到最後200米，他在大外檔馬鞭來了，是潘頓的影子，潘頓是左手而他是右手，上季黃俊未曾試過這樣，尤其他馬步穩札，黃俊一開局就這樣好，看來這個十磅仔大有進步。

相反開鑼日楊明綸操刀的「有衝勁」欠誠意，沿途三叠望空，看片段出閘情況頗順利，給兩匹馬頂住，但楊明綸不是很盡力去搶，所以最後一叠一叠，遭頂出三叠，為何他不早段搶前呢？其實有得補救，如在頭200米或留守「五陵霸」後面，或早些積極多少搶前，未必會像如今般大敗。

利敬國先攞頭彩，策騎「世界紀錄」有聲有色， 一貫南非騎師作風，推騎幅度快、力度十足，但現階段切記過份睇高其騎功，畢竟「勝利寶石」是贏直路賽，跑馬地馬場才考真功夫！幸好過往馬佳善、馬偉昌都得適應這條魔鬼跑道。

周三（5日）跑馬地開鑼戰，谷草B欄偏差較少。第八場二班1200米，「再石磨藍」上季暑期流鼻血，但將瘀血排出後，五戰四冠一亞，評分處高位，但一樣大力打磨，承接上季銳勢，如田泰安能有正常發揮，應有勝望。

對手方面，「好吉利」上季尾已於二班證明能力，674場次更同「激賞」單打獨鬥，其實如落鞭的話，頭馬應是「好吉利」。嘉年華閘「好吉利」刻意跟馬群後，走勢輕鬆，黃金一檔誓要補中！「駿皇綵」博季初第一擊具有新鮮感，人馬合拍。「醉多福」實力未盡， 升班輕磅要防！