【本報訊】自疫情襲港後出現「邊爐家族」感染個案，不少火鍋店暫停營業，仍開業的616牛肉火鍋專門店老闆Ken指，生意一度暴跌九成，「好多熟客都知我哋情況，見平日坐滿，如今冇人，都戥我哋擔心」。他轉為推出外賣火鍋，幸獲一班忠實黃店擁躉支持，生意轉升才不至「蝕入肉」。

網上落單 到店取食材

Ken指自香港有確診個案，生意已跌五成，到邊爐家族出現，更出現全晚僅一枱客的慘淡局面，「大圍呢間細舖租金、人工、食材，每日蝕近兩萬元，部份大舖要蝕三萬元」。616共12間舖，四間生意最差分店需要暫時停業。

不少市民避免外出打邊爐，即使黃店亦未能倖免，但616前周五開始推出8折外賣自取，讓客人網上落單，到店取食材與湯底回家打邊爐，生意馬上回升，「一間舖有10至20張單，大圍、大埔係『黃區』，30張單都試過，外賣現佔生意五成」。他指頭一批都是熟客，全靠他們，現時每間舖的虧損縮至每日數千至一萬元，「仲可以堅持到，作戰多一輪」。

Ken指現時仍屬旺季，對淡季生意較憂心，「專家都話疫情未到高峯，門市生意唔知幾時恢復；撐黃店熱情唔知可以維持幾耐，天氣熱時仲有幾多人會返屋企打邊爐？」