破紀錄以125萬成交嘅白松露菌王,原來係由胡應湘投得。哥頓知道獨食難肥,所以今晚特別喺麗嘉酒店擺下豪門宴,請40位老友齊齊品嚐。其中自由黨三名同佢老友鬼鬼嘅立法會議員,包括田少、林健鋒(Jeffery)同梁劉柔芬都有幸獲邀,可惜,田少同Jeffery一早約咗人,無緣赴會。
Jeffery透露,田少以前都試過請一大班朋友食白松露菌,只係無呢次拍賣嗰件咁巴閉。至於點食法先至最滋味?Jeffery話最好係親眼睇住個大廚喺自己面前,逐片逐片好似雪花咁片嚿菌王,然後薄薄咁鋪喺主菜上面慢慢歎,咁就verygood喇。