Jollibee的主打菜式當然是快餐，但價錢談不上便宜，一個最平的漢堡包餐盛惠31元，比起麥當勞的24元餐貴三成；而炸雞餐更要42至43元，亦比KFC(肯德基)同類套餐貴近一成。

此外，Jollibee提供的菜式比較單一，炸雞只有一款，相比下KFC會有多款不同炸雞，而且不時會有新款式吸客。而KFC北角分店的炸雞套餐定價為38.5元，即是Jollibee同類套餐貴近一成。漢堡包同樣地亦只有一款，另有熱狗餐提供，套餐定價35元。但比起麥當勞多款的包，款式明顯單調。唯一較為特別是有提供肉醬意粉，連汽水的套餐34元。同時，餐牌上不設散叫食物，一定要叫套餐，如果同時想食炸雞，又想食熱狗，就要好好諗諗點配搭，有食客直言不方便。

如果買一桶雞，Jollibee要105元，有7件，平均每件15元。KFC的桶雞餐定價131元，但有8件，兼包汽水、葡撻及薯蓉等。

人流比較方面，剛剛開幕的Jollibee中午時份近乎全場爆滿。位於鄰近的KFC則人流較少，但位置是樓上舖，要行一層樓梯。而在Jollibee對面的麥當勞則繼續人頭湧湧，生意明顯無受影響。

記者：黃嘉銘　
攝影：李家皓

掌握財經生活資訊，即Like「蘋果ATM」fb專頁啦！
http://fb.com/appledailyatm