錢嘉樂昨日與好友林曉峰現身白石高爾夫球中心,出席「2006Shell慳油大行動」,被問到跟李珊珊分手一事,他笑說:「唔講喇!唔回應,阿媽鬧呀!」然後拉着林曉峰離開。及後有記者一再追問其感情生活,此時錢嘉樂終於肯坐下來,並說:「唔講喇𠵱家,可能不久嘅將來會講,呢個時候唔想再回應。」
日前林曉峰大爆錢嘉樂透過電話短訊表示自己以淚洗面,昨日錢嘉樂即指着對方說:「係啦!多得阿Lo(林曉峰)、伊健關心,不過我最關心伊健,佢嘴角含春,我就以淚洗面,阿Lo啊呵!不過大家唔使擔心,我OK!一切依舊,多謝大家關懷。」
當問到他與李珊珊可是處於冷靜期時,錢嘉樂突然激動起來,他說:「總之冇事發生過,所有感情事都冇事。」