Hermès前晚「Men Updside down 」之旅，由2017秋冬騷揭幕，Hermès秋冬以修身上裝搭配寬鬆褲型，深濃色彩及格子、印花等，營造luxury 日常，Hermès男裝設計總監Veronique Nichanian及一眾愛馬仕高層，更專程來港主持活動。

久未行騷的黃偉文(Wyman)，一出場就有歡呼聲及掌聲，行過許多騷的Wyman，指香港行騷壓力大，「都有三年無行，之前一次在米蘭，在香港行騷係壓力大Ｄ，一來即時驗証到你平日對人好唔好，如果你行出黎係靜英英，就表示你平日係對人好衰，好彩今日都有人嗌，最開心係証實到我係有朋友的！」他指近年一眾品牌為滿足來賓人人想坐front row的慾望，令到天橋越來越長，「以前就幸災樂禍咁話：真係行死Ｄ模特兒！經過今晚自己行之後，又係冬天衫，我至少瘦10磅！」

至於看完騷，after party場同樣精彩。場內內分作不同展區，呼應反轉倒置的主題，玩錯視上下倒轉的樓梯裝置、倒吊天花板的電單車、香檳區。另一邊的game zone則可以打乒乓波、玩電玩捉巨型蜘蛛，更有冒險樂園式擲波仔、打古老天魔機等。10時多，面向維港夜景的戶外區，則有live brand表演，氣氛熾熱。