17歲中五畢業加入娛圈嘅李麗珍，一生拍拖無數，每次愛得轟烈，04年李麗珍捲入髮型師JackyMa同當時太太李靜婷嘅不倫戀，轟動全城，更令她一度絕跡娛圈。

李麗珍同潘源良由86年拍拖，92年再碰面，到07年再走在一起，以為精誠所至，可惜金石仍然難開。

17歲啱啱入行嘅李麗珍，初戀係同狄波拉細佬柏德烈拍拖！

19歲同小虎隊成員之一嘅林利合作拍《瘋狂遊戲》時撻着，但拍拖無耐，珍妹翻撻柏德烈，一腳踏兩船！

20歲拍《戀愛季節》時，有指介入導演潘源良婚姻，令潘源良和結婚三年嘅太太離婚！

21歲同漫畫家祁文傑相戀，同時亦同太極樂隊雷有輝傳拍過拖。

22歲李麗珍同錢嘉樂合作電影《殭屍叔叔》後相戀，但戀情只維繫了兩年。李麗珍曾話過錢嘉樂係一生中嘅最愛，亦試過發夢夢見他。

26歲再度重遇潘源良，但戀火依舊撻唔着。

30歲同香港音樂創作人許願結婚，被傳媒冠以「美女與野獸」嘅結合。育有一個女兒許倚榕。4年後李麗珍同許願離婚，女兒撫養權歸珍妹擁有。

38歲04年李麗珍被指介入已婚髮型師馬桂燦（JackyMa）婚姻，Jacky老婆李靜婷大爆同珍妹、丈夫開迷幻派對，更有指三人大被同眠，珍妹一度聲名狼藉，李靜婷出書「珍人真事」，書中爆出JackyMa用剪髮剪刀幫李麗珍剪X毛。

41歲07年，珍妹與潘源良復合，二人至今拍拖9年，潘源良舊年喺訪問亦提到，同珍妹經歷過「三離三合」，雖然冇諗過結婚，但希望可以同珍妹一直走落去。