然而至年廿九晚,一夜間,垃圾往往暴增至三十多桶,娟姐說單憑一人之力「通宵都做唔晒」,惟有一家人吃過團年飯,舉家出動倒垃圾,「啲人話大年初一唔好洗頭,但做完嘢成身大汗,唔理得咁多,成家人返屋企由頭洗到落腳過新年」。
華姐也是外判清潔工人,她說公司容許工人年廿九休息一天,待初一晚才開工倒垃圾,但她卻寧願如常工作,「年廿九有十幾桶垃圾,儲埋兩日成三十桶,唔返一日工點得?」故實際上沒有休假。她說曾打算找替工,自己放假回鄉探親兼度新歲,但提出「三工」也乏人問津,「個個都想喺屋企過年,邊有人想開工?」華姐稱為維持正常倒垃圾服務,故公司規定新春期間不能隨便休假,「最快要到四月,清明先可以返鄉下拜年順便拜山」。
本報記者