當年今日
關於我們

【勇於表達自我】殺出樂壇新血路? 鍾舒祺新歌玩八十年代風

蘋果日報 2018/09/10 16:59

裸泳鍾舒祺余震東愛情價更高

鍾舒祺今日到商台宣傳新歌《裸泳》,首歌由藍奕邦填詞,王雙駿編曲監製,行80年代風格,佢笑指比家姐鍾舒漫新歌行90年代風格行得更早,佢話:「我生於80年代,但係當時只係得幾歲,所以唔係好熟悉,但係當年係王雙駿盛放時期,所以好清楚應該要點做。」
新歌今次搵咗兩位新晉導演拍MV,鍾舒祺專登搵咗十套衫嚟用,最後用咗三套已經拍好,加上美術又好用心,令佢形容今次係有史以來最滿意作品,佢話:「80年代嘅人好勇於表達自己,例如好似麥當娜嘅誇張妝容,所以好想將呢種精神去做番自己。」佢表示王雙駿計劃繼續用呢個年代方向做歌,希望殺出血路。
另外,余震東今日亦都去到商台宣傳新歌《愛情價更高》,首歌係想講好多人雖然談好多場戀愛,但未必能夠感受到真正被愛感覺,往往就用咗金錢物質去衡量對方對自己嘅愛,問到佢有冇遇過拜金女,佢話:「有類似嘅經歷,係自己28歲時嘅初戀,分手嘅時候佢同我講『依家冇嘅,你將來會有,但係我冇青春等你成功』,咁我就將呢份傷心嘅感覺寫落去呢首歌度,歌詞亦都帶點無奈同憤怒,憤怒嘅原因係怪自己點解會冇能力。」但余震東好體諒前度決定,因為女性到某個年紀就會急。
精選娛聞,喺晒《娛果》
http://fb.com/appledailyent
攝影:馬建華
empty
鍾舒祺今日到商台宣傳新歌《裸泳》
empty
佢話:「80年代嘅人好勇於表達自己,好想將呢種精神去做番自己。」
empty
余震東今日亦都去到商台宣傳新歌《愛情價更高》