效力愛華頓嘅英格蘭前隊長朗尼，早前就爆出醉載小三事件，除咗引發同高蓮嘅離婚風波，接連發生酗酒醜聞，英國有著名心理醫生提出警告，朗尼再唔戒酒，好快就步曼聯名宿佐治貝斯，以及英格蘭天才中場加斯居尼後塵。

朗尼酗酒事件都唔係第一次，上年11月英格蘭對蘇格蘭大戰過後，就爆出佢酒店飲醉，仲去人哋婚禮度出醜。英國著名心理醫生史堤芬波普話：「朗尼似乎唔知道自己酗酒程序有幾嚴重，如果佢無法喺酒精中自拔，就會嚴重上癮；所有跡象表明，佢嘅球員生涯會好似加斯居尼、佐治貝斯等，俾酒精摧毀。」史堤芬波普認為，協助朗尼要多方面着手，包括家人、朋友、教練等，如果佢哋坐視不理，情況越嚟越差。