林雅詩昨晚在直播中情緒突然失控狂喊,繼而與鏡頭外的馬天樂爭吵,馬天樂除了瘋狂用粗口鬧林雅詩之餘,更話:「同其他幾廿個男人勾三搭四,畀幾廿頂綠帽我戴,我唔怕肉酸㗎,你想講咪講囉!仲要話畀我聽佢同你冇嘢……」馬天樂提到兩人現時「一齊住」,自己從沒有放棄林雅詩,只是林雅詩放棄他,而林雅詩隨即喊住反駁話:「你覺得我對你唔住,我咪還返畀你囉,我還返條命畀你得未呀?得未呀?」馬天樂聽後即反擊說:「唔使還畀我,你對我點我好清楚。」他又指責女方與他一起時,一直表示有男人追她:「代表咩呀?係你對我唔住,唔係我馬天樂呀。我忍咗你好耐,一頂一頂綠帽畀我戴。」而講到激動時,馬天樂更以「臭X」形容林雅詩:「你呢啲臭X任人X,仲想點呀?你保障下自己啦!係你對我唔住呀,唔係我馬天樂呀,我忍你好耐喇!」對於林雅詩昨晚在直播期間與馬天樂鬧咬,《蘋果》曾聯絡過林雅詩了解,但未有回覆,至於馬天樂則說:「我冇乜嘢回應呀,多謝有心,唔該晒!」接着便匆匆CUT線。