韓國天團BIGBANG嘅師弟團iKON原定明年1月出道，但近日iKON嘅隊長B.I嘅父親，卻被踢爆上月底涉嫌貪污公司1,704萬港元而被拘留，引發部份網民不滿，認為B.I令iKON形象受損，要引咎離隊。

不過有網民就力撐B.I，指佢通過兩次電視淘汰節目才爭取到出道，要踢佢走實在太可憐。

YG事務所老闆楊賢碩曾大讚B.I有實力，指從佢身上見到BIGABANG隊長G-DRAGON嘅影子，但YG仍未回應事件，亦令組合能否如期出道成謎。

至於去年撼贏B.I勝出淘汰節目嘅男團WINNER，近日就一臉慈愛地抱B影相，宣揚領養信息。