鄧麗欣(Stephy)今日去尖沙嘴出席一個自閉症兒童活動，現場有家長分享同自閉症兒童相處感受，同時大會亦設有卡通公仔作義賣籌款。

Stephy話自己讀小學嗰陣，已經鍾意呢隻卡通，仲話會收藏卡通用品、文具、公仔：「以前諗邊個送呢一隻公仔畀我，我就會嫁畀佢，到中學時真係有位男仔追我，送呢隻公仔畀我，但嗰時已經懂性，覺得咁樣諗係好蠢，咁容易就奪取我芳心，最後都接受咗鴨仔同個男仔，係puppy love。」

o依家為電影開緊工嘅Stephy表示，預計聖誕前夕可以完成，問佢會唔會飛台灣同男友王子過聖誕？佢話：「未諗呀，可能佢飛過嚟呢，都要睇佢嘅工作。」兩人第一個聖誕節倍添浪漫，Stephy話：「就算要浪漫都係佢搞啦，聖誕冇所謂，我比較着重生日多啲，屬於自己嘅日子。」

精選娛聞，喺晒《娛果》
http://fb.com/appledailyent