當年今日
關於我們

【幾時關心下香港?】政協曾志偉開會關心廣州交通擠塞問題

蘋果日報 2016/01/31 06:00

蘋果曾志偉交通交通擠塞夢工場即時江門禮讓廣州政協食在廣州

曾經孭住江門市政協委員兼常委,兼廣州政協委員兩個頭銜嘅曾志偉,喺去年初廣東江門市政協十二屆五次全會開幕時,被內地傳媒揭露已經四年缺席江門兩會,直至去年六月份,志偉出席活動時直言兩地同期開會,本身以廣州為重點,自然去唔到江門開會,所以主動向江門市政協辭去職位。

今日喺廣州舉行第十二屆廣州市委員會第五次會議開幕,身穿黑西裝志偉喺會議開始前20分鐘現身會場,佢透露今次關注交通同食品安全問題,佢認為廣州交通擠塞問題不止關係於車輛數目,而係同人有關,佢指每日平均有2.2人死於衝紅燈,而車主亦欠缺駕駛品德,要學習禮讓。

身為演藝界人士嘅佢,舊年曾帶政協委員到橫店參觀,志偉覺得咁遠地方都可以吸引咁多人去拍戲,點解廣州唔可以?佢提倡喺南沙應該要擁有自己嘅夢工場,至於食品方面,佢建議要關注食品安全,好好保護「食在廣州」美譽。

其實內地嘅「政協」都只係有「提案權」冇實際「決策權」,與政治花瓶無異,不過好似曾志偉同陳小春等話晒喺香港發跡長大嘅藝人,寧願關心廣州嘅交通,幾時又有關心過香港事務,例如特首梁振英噚日違例停車咁呢﹖