大阪地震過後，中午剛由大阪返港的張小姐表示，今早7時許到機場，正上車去Terminal 2期間便發生地震，當時手機響起警示，「車廂入面震一震，維持約2至3秒，機場情況冇亂，啲旅客好冷靜，好正常咁返香港。我有朋友喺大阪，佢哋話只係今朝震醒咗，之後冇事。」

張小姐坦言第一次經歷地震，當時在車上，第一下都不知是地震，只是見到手機彈出警示，才恍然大悟。「車廂入面啲人好冷靜，可能慣咗，好似冇乜嘢，到咗機場，職員都冇特別指示。」

蔡先生一行5人去日本遊玩10天，今日由大阪返港，他偕友人在機場候機期間感到震動，維持約10秒，「大家嘅手機一齊響警報，大家都驚過，過咗一陣就冇乜事，最驚係番唔到嚟香港。第一次遇地震，果一刻都係驚嘅！」他自言仍會去日本旅遊，「今次唔算特別嚴重，況且地震喺果邊都係平常事！」

同樣是從大阪返港的胡小姐表示，地震發生時正在當地機場候機，手機突然響起高頻警報，地震時「企嚮度感覺少少搖，唔會話企唔穩」。

楊氏夫婦與年幼兒子稱，地震發生時正在大阪機場排隊等候安撿，震感約維持10秒，「覺得機場晃來晃去」，地震發生後機場並未有出現混亂，當地人都很冷靜，而「我地手機響警報」，由於兒子年紀尚少，對地震不感驚慌，他們亦早已有心理準備，「咁難得竟然畀我哋遇到，但好彩係冇事，安全囉！」楊太指不會因遇過地震而「怕咗去日本」。

何小姐則指在機場亦感受到地震都「好強」，「震咗15秒，之後再有2次餘震，旅客冇慌張，好冷靜，繼續排隊。」她自言已經歷第二次地震。

你敢爆，我敢獎！ 即Call《蘋果》24小時爆相爆片熱線 ：63836568