【呃埋去尼泊爾】超蓮為見小方賣豬仔? 老友藥物連行李寄失無奈回頭
蘋果香港李蘊何超蓮方力申
何家三房千金何超蓮最近傳同方力申拍拖3個月,有指小方喺李蘊囡囡嘅百日宴識到超蓮,席上小方大獻殷勤,坐超蓮身邊,二人有傾有講,跟住再有報道話喺上周小方同超蓮一齊去尼泊爾做義工,回程嗰陣小方全程企喺超蓮身邊,唔單止細心為超蓮開支水,仲一支兩份飲,佢仲出手掃超蓮背又摸頸,關係親密。
事後「超力」雙雙否認戀情,強調大家只係好朋友,今日有周刊報道話呢次G.E.M.撮合佢哋,原來佢一直想超蓮搵個啱嘅對象,最後佢覺得小方嘅條件好好啱超蓮,喺佢大力撥扇下,小方同超蓮撻著咗,喺出發帶咗超蓮去朋友嘅聚會,聽講話兩個人全程好SWEET,同場唔少朋友都知道發生乜事。
報道話小方唔想呢段情太高調,所以喺今次探訪活動,佢刻意安排等師妹歐鎧淳返港時候,超蓮先加入行程。超蓮當然積極配合,仲安排咗一個閨蜜同行,掩人耳目,但就冇話俾對方聽其實同行仲有男友方力申。閨蜜去到尼泊爾之後,先至知道原來自己傻豬豬做咗煙幕,嬲到喊,一怒之下第二日即刻買機票返香港,結果小方全程照顧超蓮。
另一方面,喺15號啱啱過咗33歲生日嘅鄧麗欣,有指佢今年去咗台灣過生日,同時佢亦未有為呢件事回應,但係佢噚日喺ig貼咗天空相,留言話:「昨天洪荒大雨,今天風和日麗,明天十號海馬,天氣變幻無常,難測,那就莫測~#無常#變#天氣不似預期。」唔知係咪有所暗呢?
其實,超蓮同女友人一齊去做義工,但佢哋嘅行李寄失咗,超蓮之前都喺ig講過,因為佢女友人嘅行李有重要藥物,所以佢唯有急急離開,並唔係因為話要做「電粒膽」要走先。據超蓮身邊友人爆料,超蓮一心諗住做慈善,又唔屬於係藝人,唔介意成個行程辛苦,據知超蓮仲犧牲咗原本為考會計專業課程嘅時間,不過呢次行程由原先好難得嘅經驗,最後無啦啦傳出緋聞,失去原意搞到佢好心煩。