下季騎師陣容有轉變，雷神莫雷拉將重新成為全季公司騎師，又有前悉尼冠軍騎師薛恩，以及正力爭連續第二年榮膺南非冠軍騎師的21歲神奇小子希威森加入，潘頓接受訪問時，亦坦言自己下季未必能如現時般壟斷馬壇，所以趁此季尾階段，需要把握這最後的美好時光，盡力贏取頭馬。

像潘頓此等級數的冠軍騎師，座騎往往一早已落實，據知未來至7月14日煞科戰，期間倒數幾次賽事，絕大部分場次潘頓已book定座騎，當中煞科日的陣容最受注目。當日將會舉行一場80至105分二班1400米賽事，消息指潘頓將於該場二揀一，分別是大摩馬房一對「常感恩」及「忠心勇士」，其中又以策騎「忠心勇士」機會較高。

「忠心勇士」可謂非常特別，現時牠只評75分，其實未夠分跑二班賽，而牠在煞科戰之前，將會先角逐7月1日三班草地1200米，必須勝出及至少加5分，才合資格跑煞科日二班1400米，但據知大摩已同潘頓有默契，人馬很大機會在煞科日攜手出擊，明顯幕後認定「忠心勇士」7.1之戰必勝無疑，所以才一早準備讓牠夥拍潘頓，在煞科日挑戰二班賽，以為大摩爭冠軍出一分力。

田北俊女兒田啓安與丈夫鄭宇聯名擁有的「忠心勇士」，至今於新馬賽兩戰兩勝，插班評分高達75分，比起「好爸爸」以及「巴基之星」兩匹一級賽盟主插班時還要高，反映備受評磅員重視，難怪幕後及潘頓都對牠如此有信心。

睇番「忠心勇士」下周一7.1之戰，對手實力平平，只有「友瑩囍」以及「老實人」贏過同班同程1200米，故此「忠心勇士」勝望實在高唱入雲。

-----------------------------
7月4日起 《蘋果動新聞》只限升級壹會員閱覽
繼續撐蘋果！