湯唯前年同韓藉導演金泰勇閃婚，直至今年2月正式宣佈懷孕，今日有湯唯朋友喺網上爆料，話湯唯前日喺香港已經生咗個女。

湯唯喺宣佈懷孕之後好少出席活動，最多都係4月宣傳佢有份演嘅電影《北京遇上西雅圖之不二情書》，仲幫電影唱過主題曲《我曾經也想過一了百了》，MV就係由老公操刀。之後佢就好少現身，淨係幫代言品牌SK-II拍過宣傳短片。最近佢仲影過近年好興嘅大肚寫真，不過佢呢輯相並冇全祼，反而着上白裙紮咗充滿民族風嘅七彩頭巾，白濛濛有一份恬靜和諧美。