駕車當然是安全至上，但昨日有網友將一段短片上傳至YouTube，片中一輛黑色貨Van以高速上山，不斷驚險逆線爬頭，最後還突然停車，閘停尾隨的兩輛的士！車主怒封黑Van「飛行棺材」。

這段全長2分1秒的片段拍攝於2月5日早上9時31分，當時上傳者正駕車上大帽山飲茶，從其座駕的車頭Cam拍到這輛黑Van高速越過其座駕後，再越過其前方的士爬頭，旋即跑得不見蹤影。及至片段播放約1分20秒左右，可見黑Van突然停在前方不遠處，兩輛尾隨的士及上傳者的車輛被迫停下，17秒後黑Van才重又開出。

有高登仔將此片段轉載討論區上，即引起熱議。網友紛紛鬧爆黑Van司機﹕「要死就自己死......唔好累到人」、「廢車學咩人飛」，又有網友更扼腕地說﹕「影唔到車牌，唔係寄去交通部一定要做，......唔抵可憐」。