亞洲聯合基建（711，前稱俊和）除了主業建造工程，本身也是發展商，過往兩個香港劏房樓盤馬鞍山碧泓，以及屯門「龍床盤」菁雋，皆在公開發售前，將整個物業出售給另一發展商，行政總裁及營運總裁彭一邦認為香港出現劏房盤是非常不幸的事，但無可否認市場有需求：「當初（菁雋）諗住賣200萬，讓年青人每月供幾千蚊，擁有自己物業。」

俊和兩個劏房盤皆在今年樓價轉跌時成功出貨，尤其屯門菁雋在新發展商內房商佳源（2768）及「舖王」鄧成波旗下陞域集團，以每呎逾兩萬元的高價發售，結果賣樓變賣剩蔗；彭一邦不認為自己出售時機較好：「可能遲啲樓價又升呢。今日嚟睇講係好既，但其實你早六個月睇又唔係咁好時機喎。」

他又坦言香港出現劏房是不幸：「好不幸，香港係呢類型嘅貨 都有市場，因為大家真係負擔唔起，咁劏房有咁嘅需要，都要考慮人哋接受到嘅（價錢）。」他表示當初菁雋是希望定價在200萬以內，讓年青人能夠上車：「可能人哋覺得我無良，但當時計返個價錢，真係Under二百萬就可以買到。」至於最終以高價發售，彭一邦指「我唔可以討論別人嘅貨，人哋嘅貨，人哋有諗法。」

至於馬鞍山碧泓，主要是因為跟另一股東計劃有分歧，因此將股權全數出售：「其實兩個盤都係啱價就出售，資金出入快啲，令我哋有優勢去做其他項目。」彭一邦表示，未來俊和兩個新樓盤都不會建劏房，例如東涌及金馬倫道盤，前者會建成豪宅，後者則以商業性質為主。

記者：陳新政
攝影：何耀勤

investMAN
For People of Style & Substance
掌握理財智慧 感受生活品味
http://facebook.com/investMAN.hk