韓國女團少女時代嘅秀英同男友鄭京浩於2014年1月公開戀情，兩人拍拖四年多，感情相當穩定。雖然各有各忙，但都無損兩人感情，之前秀英及鄭京浩分別喺節目大談對方，隔空放閃。

秀英最近忙於拍攝JTBC新網劇《有可能知道的人》，孖男星沈熙燮、李源根合作，新劇於下月首播。今日秀英就喺Instagram上載同沈熙燮嘅合照，兩人身穿同一款衫並對望甜笑，唔怕男友呷醋？不過其實秀英只係為新劇宣傳，留言表示：「團體服出嚟喇，好興奮，雖然短但好寶貴嘅時間。」似乎秀英因為拍攝新劇又認識新朋友。

《有可能知道的人》講述女主角打開前男友留低嘅智能手機，並揭開隱藏愛嘅記憶嘅懸疑三角戀情。