安察洛堤早幾日食完拜仁慕尼黑餐無情雞之後，一啲都唔使愁呀！皆因廣州恒大據報已經接觸肥安，仲話開到總值4,500萬歐元（約4.2億港元）咁誇張三年合約畀肥安，用銀彈嚟撬佢過黎中國做打工皇帝。報導亦都講AC米蘭都對肥安吼到實，但就冇講埋肥安嘅意向嘞。其實史高拉利今季教恒大成績都唔錯，不過亞冠八強出局就麻麻哋，同埋經過納比嘅成功後，可能班主許家印都意籍教練都情有獨鍾。