蘇超賽制有別於英超，季尾仲分爭標組同護級組，整多一個循環，周日就有場護級組獨腳戲，我信主隊恩華尼斯可以擊敗咸美頓上岸，博主隊贏2:1呢個熱膽。（球賽編號：星期日35；now825及無綫收費電視25台今日9:00pm直播）
蘇超只有包尾嗰隊先要降班，基爾馬諾克同聖美倫都只領先目前12位嘅福爾柯克3分（未計上周六戰果），都叫做有降班壓力；恩華尼斯近期都叫幾順，近兩場攞3分；咸美頓當然近期都幾好成績，但就作客唔多掂，近3場作客只得1分；博得恩華尼斯贏，就要吼住佢贏2:1呢個波膽，今季恩軍贏過10場波，有6次開2:1，認真旺門，呢個7.5倍波膽可以做過關膽。