美食電影《情牽拉麵茶》將於6月13日上映，故事講述一名日本拉麵師傅到母親家鄉新加坡尋根，從而製作出新菜式——肉骨茶拉麵的感人故事。今次電影公司特別同土司工坊合作，將電影帶到現實，在土司工坊重現肉骨茶拉麵，各位戲迷不妨一試！

土司工坊的肉骨茶拉麵 ($70)，湯底是傳統肉骨茶，用多種中藥材如當歸、黨參、桂皮、川芎等熬製而成，中藥味濃，微甘帶甜。配料有肉骨、豆卜、豬肉丸和磨菇，豆卜吸滿湯汁精華；肉骨是金沙骨，事先經過醃製再煮，軟腍入味。

土司工坊大廚特別選用中式幼麵，掛湯力較強，啖啖都是藥材湯味。加$10可轉套餐，配自家鄉村薏米水，薏米水每日新鮮即製，至少熬煮一個半鐘，過程中分兩次加入斑蘭葉熬煮，務求讓斑蘭味更突出更濃郁，清甜養生。

肉骨茶拉麵將於6月10日起供應，當天至7月12日，憑《情牽拉麵茶》電影票尾到土司工坊惠顧任何食品或飲品，即可享9折優惠，勿失良機。

採訪、攝影：楊嘉敏

土司工坊
地址：上環干諾道中168-200號信德中心2樓239-240號鋪
營業時間：星期一至日 8:00am-10:00pm
電話：3101 0861
詳情： http://bit.ly/2Wk7XGc