當年今日
關於我們

魚缸暴炒族:A股異動 鞍鋼可吼 - 方星俠

蘋果日報 2009/12/25 00:00


昨日平安夜,港股半日市,上升188點,恒指收報21517。仍然留港之散戶若有入市,話唔定有斬獲,其實,星俠發覺到一個現象,話說聖誕節假期前,身邊唔少資深散戶見個市係咁跌,心感無癮之下,索性提前放假外遊,點知呢班友唔喺股場之日,個市就開始跌完回升。
散戶如果細心,會發覺每逢某些人開始入市,股市就唔知點解離奇地見頂或見底。至於呢個現象點解釋,或與散戶投資性格有關,星俠仍在研究當中。
內地無所謂聖誕節,股市照開。昨日留意到鞍鋼(347)A股表現真係不俗,升幅達6.4%;H股昨日只升1.6%,收報16.88元。
據內地分析認為,鋼鐵業可受惠經濟復蘇、通脹上升及業內重組整合,其中家電及汽車年內銷售火紅,由於鞍鋼其一主要業務係冷軋鋼,所以備受睇好。
內地對鋼鐵業整合已有指示,國務院工信部早前曾指出,內地鋼鐵企業目前約有400家,但只有80家能達所定生產准入條件,換言之未來即有五分之四鋼企面臨淘汰,據有關規定,產能在百萬噸以下普通鋼企,和50萬噸以下的特鋼企業將要關門大吉,形勢當然對鋼企龍頭有利,若有意投資鋼鐵股,必選鞍鋼。
方星俠
empty