煲呔三司十二局嘅新布局，似乎唔係咁受好評，政務官圈子更流傳一個笑話，戲謔煲呔精神分裂。佢將工程涉及嘅保育問題撥歸發展局，背後原因話係建築同工程界經常加入批評政府清拆「古董建築物」，日後將保育撥歸發展局呢個新設嘅工程部門，等建築同工程界自動收口，唔會自己人打自己人，但係由建築師或工程師組成嘅部門，佢哋又點會識得保育呢樣嘢呢？
煲呔又將監管電力公司嘅任務撥畀環境局負責，環境局又點識得電機？咁又點會監管得好？所以話，煲呔呢個新陣唔係精神分裂嘅人都度唔到出嚟。