前田敦子同大島優子都係AKB48嘅昔日猛將，當兩人先後離隊主力接劇拍戲，各自都算有唔錯成績，佢哋片約接過不停，今年仲會爭做影壇慾女，一於由AKB鬥到上床！

前田敦子假假地都贏過頒獎禮嘅最佳女主角，對於昔日死敵大島優子，最近憑夥拍宮澤里惠嘅《紙月》連奪報知映畫賞同橫濱電影節嘅最佳女配角，敦子決定放下偶像包袱，會喺5月上映新片《InitiationLove》入面，跟男主角松田翔太有激烈情慾戲，近日曝光嘅預告片，就率先睇到佢哋一場肉緊場面，聽聞片中還有更激演出，係敦子入行以來最大膽嘅尺度，有製作人仲形容當中肉搏戲直逼AV，但未知上映嗰陣會否原汁原味搬上大銀幕。

至於最近被指性慾強嘅大島優子，喺新劇《錢的戰爭》有出色嘅表現，單係佢雙巨乳已經夠睇頭，而優子孭飛做女主角嘅新片《Romance》就定秋天上映，話晒係佢單飛後首套擔正電影，飾演鐵路售貨員嘅優子都會挑戰床上戲，據知會有一場同男拍檔去時鐘酒店爆房嘅情慾戲。