今年10月將滿36歲嘅濱崎步，同相差10年嘅美籍光頭老公結婚幾個月，不過佢似乎未獲日本網友祝福，喺一項網民投票選出嘅「最有機會閃電離婚藝人」排行榜，已有離婚前科嘅步姐高踞第二位，票數僅次於赤西仁同黑木美沙。

睇番今次排名，積極闖美嘅赤西仁同佢位索妻黑木美沙就慘封冠軍，佢哋目前育有一名兩歲大囡囡，由於黑木近年復出幕前，早前接拍新片《雷朋三世》時又被指搭上已婚男星小栗旬，令外界對聚少離多嘅夫妻關係唔多睇好。

除咗名列第2位嘅步姐之外，傳出搞婚外情嘅名嘴濱田雅功，同結婚多年嘅小川菜摘則排行第3位，而Morning娘舊將辻希美與男星杉浦太陽就被選為第4位。

不過最估唔到嘅係，新婚冇耐嘅另一Morning娘舊成員後藤真希，都喺呢次選舉慘被選為第5位，至於近年形象插水嘅松嶋菜菜子同埋反町隆史，就同樣榜上有名，佔第8位。