當年今日
關於我們

【啲仔唔覆電話】康子妮呻成日同空氣講嘢 森美出絕招:沒收智能電話

蘋果日報 2018/06/04 15:33

森美康子妮

森美今日喺牛頭角為康子妮主持嘅電視節目《當家好爸》擔任嘉賓,講到父親節將至,森美笑指一對仔女未必有表示,佢話:「母親節,我同小朋友講買咗嘢未,寫咗紙卡未,但到父親節就好似冇事發生咁。」
森美指15歲嘅囝囝去咗英國讀書幾個月,但好似跟囝囝失聯一樣,冇一次覆佢電話,於是森美只好出絕招:「佢上星期返咗嚟香港,我同佢講如果再唔覆,我就沒收智能電話,畀佢用以前爭係打出打入嘅電話,佢即刻話會覆我;父親節,我都冇乜望,記得上年父親節,我個女用張A4紙,用原子筆寫咗幾個字,對於我嚟講已經好夠,係我人生中最大恩賜,阿媽嗰啲就有幅畫,有顏色填嘅,不過我都ok!」囝囝做乜唔覆電話?森美話:「青春期,覺得我唔只老土,直頭核突,成日好似阿叔咁囉嗦。」
問森美點樣同爸爸慶祝?點知佢話:「都冇乜點慶祝!男仔對男仔好少可係咁,就算我對住阿媽,都係粗聲粗氣,所以早排做母親節訪問,藉住講出平時唔會講嘅嘢,我都好錫爸爸,好想攬住佢,但一見到佢,攬乜鬼吖,我係中國人。」康子妮表示如果小朋友唔覆電話,就算喺香港都唔會覆:「成日同空氣講嘢,如果要佢哋覆你,要時好時惡,同一個通,啲人會聽到瞓晒覺。」
精選娛聞,喺晒《娛果》
http://fb.com/appledailyent
empty
攝影:陳慧安
empty
森美與太太Veronica育有一子一女。
empty
15歲嘅囝囝去咗英國讀書。
empty
康子妮同老公林曉峰有兩個仔。