日本組合AKB48舊將大島優子近日長開東北之旅，去咗岩手縣嘅佢唔止參觀被列入文化遺產嘅中尊寺等景點外，仲嘆埋當地嘅鄉土料理。

大島優子此行到岩手食當地著名嘅碗子蕎麥麵，呢種鄉土料理又名一口麵，每個客人都手執岩手方言中叫做「碗子(WANKO)」嘅碗子，服務員會不斷為客人添加蕎麥麵，如果客人食飽時未有迅速把碗蓋上，就必須繼續食落去，一般8至15碗相當於一大碗嘅份量，噚日大島優子就挑戰食一口麵，仲於Instagram上玩直播，結果佢都一口氣勁食共40碗之多，成績都唔弱。