【抗暴之戰】王宗堯去年7.1闖立法會改控暴動罪:想嚇走發聲嘅人
暴動王宗堯
社運人士劉頴匡、港大學生會前會長孫曉嵐和王宗堯,去年參加7.1反送中運動,2個月後被警方拘捕,並控告進入或逗留在會議廳範圍罪,他們明午將到東區裁判法院應訊。今日律政司申請改控劉頴匡、孫曉嵐和王宗堯較重的暴動罪,經修改後的控罪最高刑期是監禁十年。
對於控方修改控罪,王宗堯今日回覆《蘋果》時,講到明天應訊前心情,他說:「平靜,經過一晚嘅思考,大家都必須面對。」手足網上留言力撐王宗堯,他再說:「如果我真係部份人嘅男神,就更加應該同大家一齊齊上齊落。」王宗堯也在FB出貼文:「大家不用太擔心我(我不能代表所有人),但其實由930拉我哋,當日已經好清楚,喺所有大是大非嘅日子前,作出咁高調嘅動作,只係想嚇走其他想發聲嘅人,同埋轉移焦點,我相信,我並不孤單,今日係2020年6月9日,今日係屬於100萬嘅香港人的,記住,勿忘初衷 #抗爭尚未成功#五大訴求#缺一不可。」渣哥即留言撐:「同舟人,誓相隨。」網民紛紛留言打氣:「人在做,天在看,好人一生世平安」、「加油,沒有暴徒。只有暴政」、「心情沉重,但都要加油,感激你嘅付出。」
填詞人梁栢堅今日在IG貼出演員高雄和王宗堯相留言:「撐高雄嘅,一定撐宗堯。」有網民留言:「宗堯被判暴動,掉嚿垃圾都暴動,就嚟呼吸都暴動?」
【案件編號:ESCC2241、2255、2316、2745/19】
-----------------------------