港交所噚日公佈新人事任命，原來係花旗主管證券嘅陳金丹（Cindy）過檔，擔任交易所結算科並擔任結算業務發展主管，向結算主管戴志堅匯報，佢睇嘅其實係一條新team嚟，今年年中開，負責交易後業務。

近排港交所成日話要令settlement更有效率，而陳金丹就會負責搞個blockchain開發計劃，整個交易後處理平台。不過呢，陳金丹喺舊舖時經常都hold有關滬深港通、債券通記者會，對於技術問題都非常熟書，雖然喺美國長大同讀書，但廣東話同普通話非常流利，同深交所、上交所有兩句㗎，咁就非常合小加總裁心意啦。

查實今年港交所都有幾多人事變動，先新設首席傳訊總監（CCO），委任咗做過倫敦交易所嘅高凱莉，最近董事會成員、聯席集團營運總裁兼市場主管李國強月尾又退休，唔知嚟緊新人事會唔會有一番新氣象呢？