當年今日
關於我們

【公平嗎】尼馬3.4億年薪 = 女足幾多人人工?

蘋果日報 2017/11/26 21:17

巴黎聖日耳門法甲尼馬女足里昂女足

一萬分問題,到底幾多位女子足球員嘅年薪加埋,先可以同巴黎聖日耳門球星尼馬高達3,290萬鎊(約3.4億港元)嘅年薪相提並論呢?答案係1,693位,而且呢1,693位係嚟自家陣最頂級嘅七個女子足球聯賽嘅球員年薪總和。
根據統計,法國、德國、英格蘭、美國、瑞典、澳洲同墨西哥呢七個人工算係最頂級嘅女子足球聯賽,每隊加埋總和先可以去到3,290萬鎊呢個年薪水平,而加埋呢七個聯賽,就有1,693位女子足球員。
以歐洲其中一支最好pay嘅女子足球隊里昂為例,佢哋平均一年只係掟出14.5萬鎊,作為一隊球員嘅人工開支,而呢個數好可能只係其中一位男子足球界球星嘅周薪。
據講挪威足總就想盡量減低呢種男女足球員薪酬不平等嘅情況,已計劃將國家隊男子足球員部分人工開支,撥落女子足球的人工,希望可以帶頭令全世界都響應,但呢種情況睇嚟唔可能係幾年間可以解決嘅問題。
----------
最後機會!『BFB X HKTV Mall』4周年限定福袋幫你入手!今個星期贏埋盃賽,仲送實體禮品包添!澎湃優惠,立即入手: http://bit.ly/2jo9E2N