太子鐘錶主席鄧鉅明今日到會展為《World Brand Piazza 2019》舉行開幕典禮，他受訪時表示活動今年已經是第十年舉行，明年亦有一系列的生意大計。講到近月因大陸經濟增長放緩，加上中美貿易戰及反修例運動等外個因素影響下，訪港的大陸明顯減少，日前更開始有名店宣告在旺區退租，問到鄧鉅明可有相應措施？他直言大陸旅客近來明顯減少：「喺尖沙嘴、銅鑼灣呢啲購物區反映較明顯，我哋都會檢討， 始終每月租金唔係一個小數目。」

鄧鉅明又表示雖然近年社會氣氛較差，但公司會有相應措施面對：「我哋做咗30年見過好多風浪，做生意一定會有兩手準備。」又表示明白大家都因此難免心情沉重，自己都不例外：「唯有睇少啲新聞，我哋始終係小市民做唔到乜嘢，或者過去30年嚟我哋過得咁安逸，希望社會盡快回復和諧啦。」

採訪、攝影：曹家誠

-----------------------------
【撐學生】
召集有心人 撐學生全年睇《蘋果》
立即按此