現年36歲嘅韓片《下女誘罪》女星金敏喜，前年同已婚嘅導演洪尚秀發展不倫戀，兩人除咗手拖手亮相外國影展外，更於去年3月喺韓國公開戀情，而洪尚秀為咗金敏喜更同元配離婚，兩人正就離婚一事對簿公堂。

雖然早前有傳金敏喜及洪尚秀已經分手，不過雙方就強烈否認，同時韓媒《Dispatch》亦公開咗兩人上月28號喺韓國京畿道河南市某購物中心約會時被捕獲嘅相。而今日《Dispatch》再度公開金敏喜、洪尚秀上周五喺河南市某購物中心行街嘅相，報道指金敏喜嘅爸爸亦在場，並推住手推車企喺中間與金敏喜、洪尚秀並肩而行，唔通金敏喜爸爸已經接受兩人？而相中亦見金敏喜及洪尚秀只戴上帽，未有刻意戴上口罩遮樣。

更多韓流，喺晒《娛果》
http://fb.com/appledailyent