當年今日

一味窩輪:今日淡友輪世界

蘋果日報 2002/01/21 00:00


上禮拜五晚美股唔妥,今日港股會捱一棍,恒指有可能會下試10800。
今朝大領風騷嘅窩輪,必然有3件淡友輪,即滙豐認沽輪1739、和黃認沽輪1769,同埋杜指認沽輪1717。
開市時若然唔係跌得太多,可以做吓即日鮮;但若然裂口性低開,則都係忍手為上,以免大市技術性反彈,輸番轉頭。
上便3隻輪,溢價已低,甚或平水,對相關正股同美股,反應會好敏感,閒閒哋變化20個巴仙。
假設恒指真係低試10800,然後守得住,再然後反彈,都好難喺啲藍籌認購輪身上搵食。除咗兩隻中海油認購輪1764同1759,其他藍籌認購輪,過多不久,全部大有機會隻隻變成1仙,隻隻香。
美聯物業(1200)呢排企得好硬,新樓賣得,美聯股價有支持。

589只宜小注
美聯有隻公司輪589,明年1月到期現價20仙,溢價2.9%,槓桿率3.4倍,值得揸啲。但交投唔多,咪大注。