蘇施黃在節目中，談到她一位朋友，令他們感受到生命影響生命，這位朋友先後患上食道癌、乳癌和淋巴癌，多年來與癌病戰鬥，仍不會放棄，阿蘇說︰「佢都唔知做過幾多次化療電療，7、8次之多，但每次叫佢出嚟食飯佢都會出嚟，佢畀我嘅感覺，唔會皺眉頭。」阿蘇又表示，這位朋友對金燕玲有正面影響，「其實佢嘅病對金小姐影響好大，面對病情時，正面行為，所有人都睇到，原本係負面情況，但有正面嘅影響。」

在節目中金燕玲不時有咳嗽聲，不過她仍堅持去表達自己的感受，她說︰「未嚟呢度之前，我想搵翁子光幫我拍條片，因為化療後冇做到。而阿蘇表示收到聽眾的訊息，指在中環石板街大部份人都在收聽該節目，她說︰「希望今日有人聽咗去買保險或者去做檢查。」金燕玲又說︰「好多人會好驚去面對，我唔怕因為我父母都有cancer，但內心都有難受時間，發生咗唔可以改變，只要早啲知道，就冇咁辛苦，呢個係我今日想講嘅。」

這段抗癌日子，金燕玲盛讚它密友阿蘇，她說︰「佢好sweet，每日我食乜嘢當點樣點樣，佢會send畀我妹妹同個女，佢哋係我最親嘅人，等佢哋放心，我好感恩。呢段時間佢為我瞓廳好耐，放咗張氣墊床，有日佢跌咗落地，所以我喊，因為我。」

阿蘇和金燕玲在節目中，呼籲大家要年年驗身。當有病時，不單止大家要關心病人，也要關心病人的家人和照顧者。當病人入院時，希望各方好友不要送花和到院探病，只會加重病人負擔。當中阿蘇指金燕玲有病在身，仍會在家中煮飯給她吃，令病人有精神寄託。

在節目尾聲，阿蘇重申一次說︰「好似金小姐話齋，一年一次驗身，就算病都要病得開心。」金燕玲表示她的心願希望大家和她一齊共度這段時間，「第二次化療後，我都想嚟，希望我每次化療後，身體狀況可以，我都會上嚟。」阿蘇問她︰「甩頭髮都嚟？」金燕玲表示當然，阿蘇便說︰「光住頭上嚟，好嘢！」

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM

《Captain Marvel》完全導讀本
足料78頁 深度解構最強英雄！
https://bit.ly/2VyXIt2

第二屆最港電影大獎投票網址
https://bit.ly/thekongestfilmawards2018