【賤賣模型】過百高達$1000賤賣 真脫坑定被脫坑？
蘋果日報 2018/12/01 00:03
脫坑模型賤賣facebook高達
模型玩具是不少大小男生的重要實際和心靈資產，不過卻有種種不同原因，如女友、結婚、生仔生生女、搬屋......無數原因要令男生們「脫坑」（或被脫坑）。近日在fb群組「玩具自由買賣所（Hong Kong）」就有巴打疑似被「脫坑」，竟然開post把至少過百隻，手功精美、排列整齊的高達及其他模型玩具，全數以$1000賤價出售。隻賤賣post一出，即時引起谷友們熱烈回應討論，除了大把人爭住「要」外，亦有不少人說：「睇見都心痛」、「一萬都可能抵」，當然更有人直言：「係咪老婆幫老公放？」
不過事隔一日，事件有突破性發展，原來係事主阿哥襯「廢柴細佬」唔喺香港就開post賤賣，仲話已經堅係賣岀咗，更有第二批玩具繼續以低價岀售！成件事花生味極濃，係真係假真係唔敢肯定，只能講句祝佢好運喇！
記者：韓繼聰
近日在fb群組「玩具自由買賣所（Hong Kong）」就有巴打疑似被「脫坑」，竟然開post把至少過百隻高達模型玩具，全數以$1000賤價出售。
全數模型手功精美、排列整齊，相信物主絕對是愛模型之人，好難想像會賤賣自己的重要資產。
單睇相目測都有過百隻模型玩具，大把人爭住「要」。
不少人說：「睇見都心痛」、「一萬都可能抵」，當然更有人直言：「係咪老婆幫老公放？」
事隔一日事件有突破性發展，原來係事主阿哥襯「廢柴細佬」唔喺香港就開post賤賣，更有第二批玩具繼續以低價岀售！